အာလိန်​ငါး​ဆင့် ခေါ် တာဝတိံသာ စူ​ဌာ​မဏိ စေ​တီတော်

အာလိန်​ငါး​ဆင့်ခေါ် တာဝတိံသာ စူ​ဌာ​မဏိ​စေ​တီတော် ကို  ၁​၂​၉​၇ ခု​နှစ်​တွင် စတင်​တည်ဆောက်​သည်။ မန္တလေး​တောင် သာသနာပြု ရသေ့​ကြီး ဦး​ခန္တီ အကူအညီ​ယူ​လျက် မိုး​ညှင်း​ဆရာတော်​ကြီး  ပုံစံ​ပေး​ဦးစီး တည်ဆောက်​သည်။

ရည်​ညွန်း​ချက်

ဘုရား​အလောင်းတော် သိဒ္ဓတ္ထ​မင်းသား တောထွက်​သော​အခါ အနော်​မာ​မြစ်​ကမ်း တဘက်​သို့ အရောက်​တွင် မိမိ​ဘုရား​ဖြစ်​မ​ဖြစ် သိ​လို​လှ​သ​ဖြင့် မကိုဋ်​နှင့်​တ​ကွ ဆံ​ထုံးတော်​ကို ဖြ​တ​၍ ပစ်​မြောက်လေ​ရာ သီ​ကြား​မင်း​ဆင်း​လာ​၍ ဆံတော်​ကို ရတနာ​ပန်း​တောင်း​ဖြင့် ခံယူ​ပြီး မိမိ​နေရာ တာဝတိံသာ နတ်ပြည်​၌ စူ​ဌာ​မဏိ စေတီ​တည်​ခြင်း​ကို အကြောင်းပြု​၍ ထို​တာဝတိံသာ စေတီ​ကို တည်ထား​သည်။ အောက်​ခြေ​၌ နဂါး၊ ဂ​ဠုံ၊ ဂမ္ဘာန်၊ ယက္ခ၊ ဂမ္ဓဗ္ဓ​ဟူ​သော ဘုံ​ဆင့်(၅)ဆင့်​ပါရှိ​ကာ အထက်သို့ လိမ်ပတ်​တက်​သွား​သော ကြောင်လိမ်​လှေကား ပါရှိ​ခြင်း​ကို အစွဲပြု ၍ အာ​လိမ်​ငါး​ဆင့် ဟူ၍ အလွယ်ခေါ်​ကြ​လေ​သည်။

အရပ်​အမြင့် ၆​၇ တောင် ရှိ​သည်။ အထက် ကြောင်လိမ် သံ​လှေကားထစ် ၅​၉​ထစ် ရှိ​သည်။ အုတ်​ခုံ လှေကား ၃​၂​ထစ် ရှိ​သည်။ စတုရန်း​ပတ်လည်​တံတိုင်း ၂​၇​၂ တောင် အကျယ်​ရှိ​သည်။ ထို​ခောတ်​ငွေ  ၂​၅​ဝ⁠ဝ​ဝ ကျော်​ကုန်ကျ​သည်။

ဒါ​ယ​ကာ​များ​မှာ ချပ်​သင်း​သူဌေး ဦး​ဘ​တင် ဒေါ်​သိန်း​နှင့် သား​အရေး​ပိုင်​မင်း (အိုင်​စီ​အက်စ်) ဦး​ချမ်းသာ ဒေါ်​မမ​သစ် မြေး​ကို​ရဲကျော် ကို​ရဲ​တင် ကို​ရဲခေါင်​တို့ ဖြစ်​သည်။