သမ္ဗုဒ္ဓေ ဂါ​ထာတော်

သမ္ဗုဒ္ဓေ ဂါ​ထာတော်​ကို ဗုဒ္ဓ​ဘာသာ မြန်မာ​တိုင်း​ရင်း​သား​များ ဖြစ်​သော ရဟန်း၊ ရှင်​လူ၊ ပြည်​သူ​တို့​အားလုံး​ပါ ယုံကြည်​စွာ ရွတ်​ဖက် ပွား​များ​ကြ​သည်။ အချို့​ပုဂ္ဂိုလ်​များ​မှာ သမ္ဗုဒ္ဓေ ဂါ​ထာတော်​ကို လို​ရာ​ပြီးစီး​နိုင်​သော အန္တရာယ်​ကင်း​မန္တန် တော်​ကြီး​အဖြစ် အသုံးပြု​ကြ​ပါ​သည်။ ရွတ်​ဖက်​ပွား​များ​သည့်​အတွက်  အသက်​ဘေး​အန္တရာယ်​ဘေး​မှ လွတ်မြောက်​ခြင်း၊ အနှောင့်​အယှက်​ကင်း​ခြင်း၊ ဘေး​ဥပဒ်​မ​ကျ​ရောက်​ခြင်း၊ ရန်သူ​တို့​မ​နှိပ်စက်​နိုင် ခြင်း စ​သည့် ကိုယ်တိုင်​တွေ့​ကြုံ​ခဲ့​ကြ​သူ​များ​စွာ ရှိ​ကြ​သည်။ ဤ​မျှ​မက ထို သမ္ဗုဒ္ဓေ ဂါ​ထာတော်​ကို ဣစ္ဆာသယ​အန္တရာယ်​ကင်း မန္တန်တော်​ကြီး​ဟူ၍ ရှေး​ပညာရှိ​များ​က အမည်​မှည့် အသုံးပြု​ခဲ့​ကြ​ပါ​သည်။

အများ​သုံး သမ္ဗုဒ္ဓေ ဂါ​ထာတော်

(က) သမ္ဗုဒ္ဓေ ၊ အဌ​ဝီ​သဉ္စ၊ ဒွါ​ဒ​သဉ္စ  သ​ဟ​သ​ကေ၊
ပဉ္စ​သ​သ၊ သ​ဟ​သာ​နိ၊ န​မာ​မိ သိ​ရ​သာ​မ​ဟံ။
(ခ) အပ​ကာ ဝါ​ဠု​ကာ ဂင်္ဂါ၊ အနန္တာ နိဗ္ဗု​တာ ဇိ​နာ၊
တေ​သံ ဓမ္ဓဉ္စ သံ​ဃဉ္စ၊ အာ​ဒ​ရေ​န  န​မာ​မ​ဟံ။
(ဂ)န​မက္ကာ​ရာ နု​ဘာ​ဝေ​န၊ ဟိ​တွာ သဗ္ဗေ  ဥ​ပဒ္ဒ​ဝေ၊
အနေ​ကာ အန္တ​ရာ​ယာ​ပိ၊ ဝိ​န​သန္တု အသေသတော။

မြန်မာ​သမ္ဗုဒ္ဓေ ဂါထာ​အနက် (မြန်မာ​ပြန်)

၁။ အဌ​ဝိ​သံ၊ နှစ်​ကျိပ်​ရှစ်​ဆူ​ကုန်​သော။ သမ္ဗုဒ္ဓေ၊ ဘုရားရှင်​တို့​ကို့​လည်းကောင်း။ ဒွါ​ဒ​သဉ္စ သ​ဟ​သ​ကေ၊ ပဉ္စ သ​သ၊ သ​ဟ​သာ​နိ၊ ငါး​သိန်း​တစ်​သောင်း  နှစ်​ထောင်​ကုန်​သော။ သမ္ဗုဒ္ဓေ၊ ဘုရားရှင်​တို့​ကို့​လည်းကောင်း။ အဟံ၊ အကျွန်ုပ်​သည်။ သိ​ရ​သာ၊ ဦးခေါင်း​ဖြင့်။ န​မာ​မိ၊ ရှိခိုး​ပါ​၏။
ဝါ​ဌု​ကာ ဂင်္ဂါ၊ ဂင်္ဂါ​မြစ်​ထဲ ကျောက်​သလဲ​တို့​သည်။ အပ္ပ၊ နည်း​လှ​ကုန်​၏။ နိဗ္ဗု​တာ၊ ပရိနိဗ္ဗာန် ဝင်​စံ​ကြတော်​မူ​သော။ ဇိ​နာ၊ ငါး​မာရ်​အောင်မြင်​ဘုရားရှင်​တို့​သည်။ အနန္တာ၊ အတိုင်း​မ​သိ များ​လှ​ကုန်​၏။
၂။တေ​သံ၊ထို​ဘုရားရှင်​တို့​၏။ဓမ္ဓဉ္စ၊ တ​ရားတော်​ကို​လည်းကောင်း သံ​ဃဉ္စ၊ သံ​ဃာတော်​ကို လည်းကောင်း။ အဟံ၊ အကျွန်ုပ်​သည်။ အာ​ဒ​ရေ​န၊ ရိုသေ​စွာ။ န​မာ​မိ၊ ရှိခိုး​ပါ​၏။
၃။ န​မက္ကာ​ရာ နု​ဘာ​ဝေ​န၊ ရှိခိုး​ရ​သော  ကုသိုလ်​ကံ​၏  အစွမ်း​ကြောင့်။ သဗ္ဗေ ဥ​ပဒ္ဒ​ဝေ၊ ဘေး​ဥပဒ် အားလုံး​တို့​ကို့။ ဟိ​တွာ၊ ပယ်​ရှား​၍။ အနေ​ကာ အန္တ​ရာ​ယာ​ပိ၊ များ​စွာ​သော အနှောင့်​အယှက်​တို့​သည်​လည်း။ အသေသတော၊ အကြွန်း​အကျန်​မ​ရှိ​အောင်။ ဝိ​န​သန္တု၊ ပျောက်ပျက်​ပါ​စေ​ကုန်​သ​တည်း။